10 oktyabr 2015-ci ildə Bakının "Four Seasons" otelində Heydər Əliyev Fondunun sponsorluğu, Medeks MMC Tibb şirkəti, LOR Hospital və MED-EL şirkətinin təşkilati dəstəyi ilə "Yüksək texnologiyalı eşitmə protezləri erası" mövzusunda II Elmi-praktiki konfrans keçirilmişdir. Tədbirdə Advanced Bionics şirkətinin vitse-prezidenti Maykl Sandler, The Ear Foundation fondunun İcraçı direktoru professor Syu Arçbold, Düsseldorf Universitetinin professoru Tomas Klenzner və digərləri koxlear implantasiyanın tarixi və inkişafı, səciyyəvi təcrübələr, bu sahədə ümumdünya standartları barədə dəyərli mühazirələrlə çıxış etmiş, sualları cavablandırmışlar.