13-15 sentyabr 2011-ci il tarixlərində “Bakı Ekspo” mərkəzində “BIHE 2011” 17-ci Azərbaycan beynəlxalq “Səhiyyə” sərgisinin açılış mərasimi olmuşdur. Sərgidə yüzdən çox məşhur brendi təqdim edən 19 ölkədən 124 şirkəti iştirak etmişdir. “BIHE” sərgisi ilə yanaşı, 6-cı Azərbaycan beynəlxalq “Stomatologiya” sərgisi və öz beşillik yubileyini qeyd edən Azərbaycan beynəlxalq “Gözəllik və estetik tibb” sərgisi (“Beauty Azerbaijan 2011”) öz işinə başlamışdır. Bu sərgidə “Medeks” şirkəti Almaniyanın “Schmitz” şirkətinin əməliyyat masalarının, “Aloka” (Yaponiya) ultrasəs müayinəsi aparatlarının və anesteziyada istifadə edilən “Siare” narkoz aparatlarının təqdimat mərasimlərini keçirmişdir.